إبراهيم عيسى .. الرجل الذى عطس

يوميات فاهم أفندى

 

عاد فاهم أفندى لمنزله بعد يوم عمل شاق ، فنال منه التعب والإرهاق ، ما جعله يحتاج لقسط من الراحة ، وبمجرد أن خلع ملابس وبدأ يستعد لإلقاء جسده على السرير ، اصطدم بصوت جرس الباب ، فعاد ليرتدى ملابسه مسرعاً ، واتجه ناحية باب شقته ، فإذا به صديقه هادم الملذات دائماً ، محروس البقال ، الذى دفع فاهم من أمامه  ودخل بلهفة يسبقه صوته " أزيك يا فاهم عامل أيه " فرد عليه فاهم والذى كاد يحطم أسنانه من الغيظ ، " نحمده يا محروس .. خير "

 

شفت يا فاهم يا أخويا ، شفت الواد الإعلامى ده اللى اسمه إبراهيم عيسى ، بيقول أيه على بتوع المقاومة الفلسطينية ، بقه المقاومة إرهابيين وسبب خراب فلسطين يا فاهم ، ينفع كده ، الواد ده مش لاقى حد يلمه ، هو بسلامته عاوز أيه يعنى ، عاوز اليهود الصهاينة بتوع إسرائيل ، يدخلوا المسجد الأقصى بالجزم ، ويعتقلوا ويموتوا أخواتنا فى غزة ، والمسلمين يتفرجوا عليهم ، ده أيه القرف ده ، هو يا فاهم فى جيش أصلاً  لفلسطين عشان يدافع عنها وعن أراضيها ، لو كان فى جيش كنا قلنا ماشى مفيش داعى لمقاومة ولا غيره ، أنا مش عارف الناس دى عايزه أيه يا أخى.

 

وما زال محروس يسترسل فى حديثه الغاضب ، وإذا بفاهم شارد الذهن وعيناه كسهم كاد يخترق الأرض أمامه ، وبدا وكأنه انتقل لمكان آخر ولم يسمع كلمة واحدة من كلام صديقه محروس ، ولم يخرج من هذه الحالة إلا على صوت محروس " أيه يا فاهم أنت مش سامعنى ولا أيه "

 

لا سامعك يا محروس ، وبدت الكلمات تخرج منه وقد أثقلها الحزن والألم ، أنت عارف يا محروس العيب مش عليه خالص ، إن كان عليه فهو صورة لا تختلف عن شخصية  الفنان الراحل سمير غانم فى فيلم " الرجل الذى عطس " مترهل وأخبل وعقله بلا وعى ، العيب يا محروس فى المسئولين اللى سابوه يشطح شمال ويمين بتصريحات تحمل أفكاره الشاذة ، التى تشكك فى كل شئ وخلاص ، الرجل ده يا محروس ميهموش إلا أنه يجمع فلوس وبس ، ويمتلك تركيبة نفسية معقدة ، وكان يجب على الدولة أن تحيله من زمان لمستشفى العباسية.

 

 

وقبل أن يستكمل فاهم حديثه ، قاطعه محروس ، لأ استنى بقه لحد هنا نعمل كوبيتين شاى نعدل بيهم الطاسة ، وبعد كده نكمل كلامنا ، وأثناء تواجد محروس فى المطبخ لعمل الشاى لحقه فاهم " أنت عارف يا محروس الراجل المعقد ده اتحبس أيام الرئيس الراحل مبارك ، وباس الأيادى وكان ناقص يبوس الجزم عشان يسيبوه ، ودلوقتى رجع للهبل تانى مش بأقولك ده الرجل الذى عطس.

 

أنا سمعت يا فاهم ، أنه غلط حتى فى الدين بتاعنا ، فابتسم فاهم ابتسامة حسرة قائلاً للأسف ده حصل ، ومحدش قرب منه ولا عمله أى حاجة ، ولا حتى الأزهر تدخل لوقف جنون هذا المعتوه ، يا راجل ده وصلت معاه أنه شكك فى الإسراء والمعراج ، وطالع ينكر وجود المعراج من الأساس ، رغم أن تلك الواقعة مذكورة فى القرآن الكريم بسورتى " الإسراء والنجم " هو كده بيشكك فى القرآن نفسه ، لأ وأيه بيدعى أن صلاة التراويح بدعة اخترعها سيدنا عمر بن الخطاب رضى الله عنه ، بسلامته مش عارف أن الرسول الكريم صلاها بالمسلمين فى شهر رمضان ، لأ وكمان عايز يلغى الآذان فى مكبرات الصوت.

 

انتفض محروس من مكانه بعدما سمع هذا الكلام ، وصرخ بصوت عالى ، " يا نهار أسود كل ده ومحدش كلمه ، لا عندك حق يا فاهم ، ده بكرة يشكك فى الإسلام نفسه والعياذ بالله ، وبدأ محروس ينصرف وهو يردد " ربنا ينتقم منه " " ربنا ينتقم منه " وفاهم يراقبه وهو يتمتم بصوت منخفض " آمين يا رب " ، فأغلق الباب وذهب لينال قسط الراحة الذى تأجل بسبب زيارة محروس